Víxlböðin samanstanda af 2 körum. Í öðru er heitt vatn, ca 38°C en í hinu kalt vatn, ca 12° C
Nauðsynlegt er að byrja á hita og enda á köldu. Farið er til skiptis í heitt og kalt 3-4 sinnum.
Áhrif:
- Góð blóðrásarþjálfun
Notkun:
- Notað við fótkulda
- Gott við þreyttum fótum
- Gott gegn verkjum í fótum
- Gott gegn krónískum bólgum í fótum eða ökkla
Ekki ber að þurrka sér mjög fast með handklæði, einungis þerra vel.
Athugasemdir hjartalæknis varðandi hjartasjúklinga og baðmeðferðir
Ástand hjartasjúklinga er að sjálfsögðu afar misjafnt og á það reyndar við um fólk yfirleitt. Varðandi baðmeðferðir þarf heilbrigð skynsemi að ráða för og á það við fyrir alla. Hjartasjúklingar með vel meðhöndlaðan sjúkdóm, í stöðugu ástandi, eru oftar en ekki færir í flestan sjó og geta farið í heita potta, sauna og köld böð eins og aðrir. Hjartabilaðir, einkennamiklir með óviðgerðan sjúkdóm og þeir sem eru á flókinni lyfjameðferð skyldu þó ekki stunda baðmeðferðir nema að undangengnu mati hjartasérfræðings.
Þorkell Guðbrandsson dr.med.
Sérgr. Lyflækningar og hjartalækningar.
Comments are closed.
